വെള്ളിയാഴ്ച്ച രാത്രിയായിരുന്നു അംബാനിയുടെ മകൻ ആനന്ദ് അംബാനിയുടേയും രാധിക മെര്ച്ചന്റിന്റേയും വിവാഹത്തോടനുബന്ധിച്ചുള്ള സംഗീത വിരുന്ന് ആരംഭിച്ചത് . നിരവധി ബോളിവുഡ് താരങ്ങളായിരുന്നു ചടങ്ങിൽ പങ്കെടുത്തത് .പോപ്പ് ഐക്കൺ ജസ്റ്റിന് ബീബറായിരുന്നു ആഘോഷത്തിനിടയിലെ ശ്രദ്ധാകേന്ദ്രം. അദ്ദേഹത്തിന്റെ ഹിറ്റ് ഗാനങ്ങളായ പീച്ചുകൾ’, ‘ബേബി’ എന്നിവയ്ക്ക് താരങ്ങളെല്ലാം തന്നെ ചുവട് വച്ചു .ബോളിവുഡ് താരങ്ങളായ സല്മാന് ഖാനും രണ്വീര് സിങ്ങും ആലിയ ഭട്ടും രണ്ബീര് കപൂറും ജാന്വി കപൂറുമെല്ലാം സംഗീത നിശ കൊഴുപ്പിച്ചു . ഇതിന്റെ ചിത്രങ്ങളും വിഡിയോയുമെല്ലാം തന്നെ സോഷ്യല് മീഡിയയില് വൈറലാണ്.
അതെ സമയം ,സല്മാന് ഖാനും സോഷ്യല് മീഡിയ ഇന്ഫ്ളുവന്സറായ രാധിത സേതും ഒരുമിച്ചുള്ള ഒരു വീഡിയോയാണ് ഇപ്പോൾ ആരാധകര്ക്കിടയില് ചര്ച്ചയാകുന്നത് . സംഗീത് ചടങ്ങിനിടെ ഫോട്ടോഗ്രാഫർമാർക്കു മുന്നില് പോസ് ചെയ്യാനായി മുന്നോട്ട് പോകണമെന്ന് രാധിക വാശിപിടിച്ചെങ്കിലും സൽമാൻ ആ അപേക്ഷ സൗഹൃദപരമായി നിരസിക്കുകയും ക്ഷമയോടെ കാത്തിരിക്കുകയും ചെയ്തു, അവൾക്ക് തിളങ്ങാൻ അദ്ദേഹം അവസരം നൽകി. തുടർന്ന് ഒരു പുഞ്ചിരിയോടെ രാധിക ഫോട്ടോഗ്രാഫർമാർക്കു മുന്നിലേക്ക് പോകുന്നതും സല്മാന് തന്റെ ഊഴത്തിനായി കാത്തുനില്ക്കുന്നതും വീഡിയോയില് കാണാം. ശേഷമാണ് ഫോട്ടോഗ്രാഫർമാരുടെ വലിയ ആർപ്പുവിളികൾക്കിടയിൽ സൽമാൻ വേദിയിലേക്ക് പ്രവേശിച്ചത്.
സല്മാന്റെ ഈ ലാളിത്യത്തെ അഭിനന്ദിച്ചാണ് നിരവധി പേര് സമൂഹ മാധ്യമത്തിൽ കമന്റ് ചെയ്തത്. കറുത്ത ക്ലാസിക് ഔട്ട് ഫിറ്റിൽ സ്റ്റൈലിഷ് ലുക്കിലാണ് സൽമാൻ വിരുന്നിനെത്തിയത് . ഇത്രയും പ്രശസ്തനായ വ്യക്തിയായിട്ടും ഒരു സോഷ്യല് മീഡിയ ഇന്ഫ്ളുവന്സറോട് കാണിച്ച ബഹുമാനം അഭിനന്ദിക്കേണ്ടതാണെന്നും ആരാധകര് കുറിച്ചു. അതേസമയം, സല്മാനെ വിമര്ശിച്ചും കമന്റുകളുണ്ട്. രാധികയുടെ കൂടെ ഫോട്ടോക്കു പോസ് ചെയ്താല് തന്റെ ഉയരക്കുറവ് വ്യക്തമാകുമെന്നതിനാലാണ് സല്മാന് മാറിനിന്നതെന്നാണ് ചിലരുടെ ആരോപണം.
അതേസമയം, ഈ വീഡിയോ വൈറലായതിനോടൊപ്പം രാധികയുടെ ഇന്സ്റ്റഗ്രാം ഫോളോവേഴ്സും കൂടി. നിലവില് 11 ലക്ഷം പേരാണ് അവരെ പിന്തുടരുന്നത്. സില്വര് നിറത്തിലുള്ള ലെഹങ്കയും ബ്രാലെറ്റുമായിരുന്നു രാധികയുടെ ഔട്ട്ഫിറ്റ്. നിറയെ സ്വീക്വിന് വര്ക്കുകളുള്ള തിളങ്ങുന്ന ലെഹങ്കയില് അവര് അതിസുന്ദരിയായിരുന്നു. സംഗീത നിശയിൽ ആനന്ദ് അംബാനിക്കൊപ്പം സൽമാൻ ചുവട് വച്ചതും ശ്രദ്ധേയമായി.സൽമാൻ്റെ ജനപ്രിയ ഗാനമായ ഐസ പെഹ്ലി ബാർ ഹുവാ ഹേയിലാണ് ഇരുവരും ചേർന്ന് അവതരിപ്പിച്ചത്.
View this post on Instagram
ചടങ്ങിന് താരം ധരിച്ച ലെഹങ്കയുടെ ഫോട്ടോഷൂട്ട് ചിത്രങ്ങള്ക്ക് താഴെയും ഈ വീഡിയോയുമായി ബന്ധപ്പെട്ട കമന്റുകളാണുള്ളത്. ‘എന്താണ് സല്മാന് നിങ്ങളോട് പറഞ്ഞത്?’ എന്നാണ് പലരും ചോദിച്ചിരിക്കുന്നത്. സല്മാന്റെ ആ വീഡിയോയിലുള്ള പെണ്കുട്ടി ഇതാണെന്നും അഭിപ്രായങ്ങൾ ഉയർന്നിട്ടുണ്ട് .
View this post on Instagram
“അദ്ദേഹം ഒരു യഥാർത്ഥ മാന്യനാണ്. സ്വയം ബഹുമാനിക്കപ്പെടുന്നതിന് മുമ്പ് സ്ത്രീകളെ ബഹുമാനിക്കുന്ന മാന്യനായ ഒരു മനുഷ്യൻ.” സോഷ്യൽ മീഡിയയിലെ ഒരു കമന്റ് ഇത്തരത്തിലായിരുന്നു . “ബിഗ് ബ്രദർ സൽമാൻ ഖാൻ” എന്നായിരുന്നു ഒരു കമൻ്റ്. “എൻ്റെ സുന്ദരൻ,” മറ്റൊരാൾ അഭിപ്രായപ്പെട്ടു.
View this post on Instagram
വെള്ളിയാഴ്ച മുംബൈയിലെ നിത- മുകേഷ് അംബാനി കൾച്ചറൽ സെൻ്ററിൽ (എൻഎംഎസിസി) നടന്ന രാധികയുടെയും ആനന്ദിന്റെയും വിവാഹ ആഘോഷ ചടങ്ങിലാണ് താരനിബിഡമായത്. ദീപിക പദുക്കോൺ, ആലിയ ഭട്ട്, വിക്കി കൗശൽ, കരീന കപൂർ ഖാൻ, രൺവീർ സിംഗ് തുടങ്ങിയ താരങ്ങളും ശ്രദ്ധിക്കപ്പെട്ടു. . ജൂലൈ 12 ന് തുടങ്ങിയ വിവാഹ സൽക്കാരം 14 വരെയാണ് തുടർന്നത് .
