ദുരന്ത മേഖല സന്ദർശിച്ച് പ്ര​ധാ​ന​മ​ന്ത്രി ; ചൂ​ര​ൽ​മ​ല​യി​ലേ​ക്ക് പു​റ​പ്പെ​ട്ടു

ക​ൽ​പ്പ​റ്റ: ഉ​രു​ൾ​പൊ​ട്ട​ൽ ദു​ര​ന്ത​മു​ണ്ടാ​യ പ്ര​ദേ​ശ​ങ്ങ​ളി​ൽ വ്യോമ നി​രീ​ക്ഷ​ണം ന​ട​ത്തി​യ​ശേ​ഷം പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ചൂ​ര​ൽ​മ​ല​യി​ലേ​ക്ക് പു​റ​പ്പെ​ട്ടു.ക​ല്‍​പ്പ​റ്റ എ​സ്കെ​എം​ജെ സ്കൂ​ള്‍ ഗ്രൗ​ണ്ടി​ൽ ഹെ​ലി​കോ​പ്റ്റ​റി​ൽ ഇ​റ​ങ്ങി​യ അ​ദ്ദേ​ഹം റോ​ഡു​മാ​ർ​ഗ​മാ​ണ് ചൂ​ര​ൽ​മ​ല​യി​ലേ​ക്ക് തി​രി​ച്ച​ത്. ബെ​യ്‌​ലി പാ​ലം സ​ന്ദ​ർ​ശി​ക്കു​ന്ന പ്രധാനമന്ത്രി വി​വി​ധ ര​ക്ഷാ​സേ​ന​ക​ളെ പ്രശംസിക്കും.

തുടർന്ന് ദു​രി​താ​ശ്വാ​സ​ക്യാ​മ്പി​ലും ആ​ശു​പ​ത്രി​യി​ലും ക​ഴി​യു​ന്ന​വ​രു​മാ​യി മോ​ദി സം​സാ​രി​ക്കും. ശേഷം വ​യ​നാ​ട് ക​ള​ക്ട​റേ​റ്റി​ല്‍ എ​ത്തു​ന്ന അ​ദ്ദേ​ഹം അ​വ​ലോ​ക​ന​യോ​ഗ​ത്തി​ല്‍ പ​ങ്കെ​ടു​ക്കും. അതെ സമയം ദുരന്തത്തിന്റെ ഭീകരത നേരിട്ട് കണ്ട മോദി ആദ്യം പോയത് വെള്ളാർമല സ്കൂളിലേക്കാണ്. സ്കൂൾ റോ‍ഡിന്റെ ഭാ​ഗത്തെത്തിയ പ്രധാനമന്ത്രി ദുരിതബാധിതരായ കുട്ടികളെക്കുറിച്ചു ചോദിച്ചറിഞ്ഞു. ദുരിത മേഖല നടന്നു കണ്ട പ്രധാനമന്ത്രി ആദ്യം ആവശ്യപ്പെട്ടത് സ്കൂൾ കാണണമെന്നായിരുന്നു. സ്കൂളിന്റെ പരിസരത്തെ തകർന്ന വീടുകളും മോദി കണ്ടു.

കുട്ടികൾക്കുണ്ടായ പ്രശ്നങ്ങളെക്കുറിച്ചും അവരുടെ ഭാവിയെക്കുറിച്ചും അനാഥരായ കുട്ടികളെക്കുറിച്ചും പ്രധാനമന്ത്രി ചോദിച്ചറിഞ്ഞു. കുട്ടികളെ ഇനി എവിടെ പഠിപ്പിക്കുമെന്നും അദ്ദേഹം ചോദിച്ചു. എത്ര കുട്ടികൾ ദുരന്തത്തിന്റെ ഭാ​ഗമായി എന്നും എത്ര പേർക്ക് രക്ഷപ്പെടാൻ സാധിച്ചുവെന്നും മോദി ചോദിച്ചു മനസ്സിലാക്കി. എഡിജിപി എംആർ അജിത്കുമാറാണ് പ്രധാനമന്ത്രിക്ക് ദുരിതമേഖലയിലെ സാഹചര്യം വി ശദമാക്കിയത് . കേന്ദ്ര സഹമന്ത്രി സുരേഷ് ​ഗോപിയും ഗവര്‍ണറും മുഖ്യമന്ത്രി പിണറായി വിജയനും ചീഫ് സെക്രട്ടറിയും മോദിക്കൊപ്പമുണ്ടായിരുന്നു.രാ​വി​ലെ ക​ണ്ണൂ​ർ വി​മാ​ന​ത്താ​വ​ള​ത്തി​ലെ​ത്തി​യ പ്രധാനമന്ത്രിയെ മു​ഖ്യ​മ​ന്ത്രി പി​ണ​റാ​യി വി​ജ​യ​നും ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നും ചേ​ർ​ന്ന് സ്വീ​ക​രി​ച്ചു.

English Summary : Prime Minister Narendra Modi visited the disaster are and went to Churalmalai