ചലച്ചിത്ര ലോകത്തെ ‘കിംഗ് ഓഫ് റൊമാൻസ്’ ഷാരൂഖ് ഖാൻ്റെ കടുത്ത ആരാധികയാണ് നടി സാമന്ത എന്നത് എല്ലാവർക്കും അറിയാം. തൻ്റെ ഒരു അഭിമുഖത്തിലാണ് മഹേഷ് ബാബു, സൂര്യ, ഷാരൂഖ് ഖാൻ എന്നിവർക്കൊപ്പം പ്രവർത്തിക്കാൻ ആഗ്രഹിക്കുന്നുവെന്ന് നടി സൂചിപ്പിച്ചത് .ഇപ്പോഴിതാ , ഷാരൂഖ് ഖാനൊപ്പം അഭിനയിക്കുക എന്ന തെന്നിന്ത്യൻ നടിയുടെ സ്വപ്നം വൈകാതെ പൂവണിയുമെന്നാണ് വാർത്തകൾ.
ഡങ്കിക്ക് ശേഷം പ്രശസ്ത ഫിലിം മേക്കർ രാജ് കുമാർ ഹിരാനി സംവിധാനം ചെയ്യുന്നതാണ് സാമന്ത -ഷാരൂഖ് ചിത്രം . ഇത് ശരിയാണെങ്കിൽ, ഇത് സാമന്തയുടെ ആദ്യ ചിത്രവും ഷാരൂഖ് ഖാൻ്റെ രാജ്കുമാർ ഹിരാനിക്കൊപ്പമുള്ള രണ്ടാമത്തെ ചിത്രവുമായിരിക്കും.സാമന്ത റൂത്ത് പ്രഭുവിനൊപ്പം ചിത്രത്തിന്റെ ഷാരൂഖ് കരാർ ഒപ്പിട്ടതായും റിപ്പോർട്ടുകൾ പുറത്തു വരുന്നുണ്ട് .
ചിത്രത്തിന് വേണ്ടിയുള്ള ഔദ്യോഗിക പ്രഖ്യാപനത്തിനായി ഇരു താരങ്ങളുടെയും ആരാധകർ ആകാംക്ഷയോടെ കാത്തിരിക്കുകയാണ്. ചിത്രം ഒരു ആക്ഷൻ പായ്ക്ക്ഡ് ദേശഭക്തി ചിത്രമായിരിക്കുമെന്നാണ് അഭ്യൂഹം.കൂടുതൽ വിശദാംശങ്ങൾ വരും ദിനങ്ങളിൽ വെളിപ്പെടുത്തുമെന്ന് പ്രതീക്ഷിക്കുന്നു.
ജവാനിൽ നയൻതാരയ്ക്കൊപ്പം അഭിനയിച്ചതിന് ശേഷമാണ് കിംഗ് ഖാനൊപ്പം മറ്റൊരു തെന്നിന്ത്യൻ നടിയുടെ അരങ്ങേറ്റം . റിപ്പോർട്ടുകൾ ശരിയാണെങ്കിൽ തീർച്ചയായും അത് ആരാധകർക്ക് ഒരു മികച്ച ദൃശ്യ വിരുന്നായിരിക്കും. സ്ക്രീനിൽ മാനുഷിക വികാരങ്ങൾചിത്രീകരിക്കുന്നതിൽ പുകൾ പെറ്റ ഹിരാനിക്ക് രണ്ട് അഭിനേതാക്കളിലും മികച്ച പ്രകടനം പുറത്തെടുക്കാനുള്ള കഴിവുണ്ട്. മറുവശത്ത് ഒരിടവേളയ്ക്ക് ശേഷം വരുന്ന സാമന്തയ്ക്ക് സ്ക്രീനിൽ തീ കൊളുത്താനുള്ള സുവർണാവസരമാണ്.
രാജ്കുമാർ ഹിരാനിയുടെ ‘ഡങ്കി’ എന്ന ചിത്രത്തിലാണ് ഷാരൂഖ് അവസാനമായി അഭിനയിച്ചത്. ചിത്രം ബോക്സ് ഓഫീസിൽ കോളിളക്കം സൃഷ്ടിച്ചപ്പോൾ ആഗോള ബോക്സ് ഓഫീസിൽ കത്തിക്കയറി ഉയർന്ന സ്കോർ നേടി. 2023 ലെ ഷാരൂഖ് ഖാൻ്റെ മൂന്നാമത്തെ ചിത്രമായിരുന്നു ഇത്, നീണ്ട 4 വർഷങ്ങൾക്ക് ശേഷം അദ്ദേഹം തൻ്റെ തിരിച്ചുവരവ് നടത്തി 2023 ല് പഠാന്, ജവാന്, ഡങ്കി എന്നീ ഹിറ്റുകളാണ് ഷാരൂഖ് സൃഷ്ടിച്ചത്. . അതെ സമയം, ഷാരൂഖിന് ഈ വർഷം റിലീസ് ഉണ്ടായേക്കില്ല. തൻ്റെ വരാനിരിക്കുന്ന ചിത്രങ്ങളും താരം പ്രഖ്യാപിച്ചിട്ടില്ല.
എന്നാൽ കെജിഎഫ് ഫെയിo യാഷിൻ്റെ അടുത്ത ചിത്രമായ ‘ടോക്സിക്’ ൽ അദ്ദേഹം അതിഥി വേഷത്തിൽ എത്തിയേക്കുമെന്ന് റിപ്പോർട്ടുകൾ സൂചിപ്പിക്കുന്നു. കൂടാതെ, പഠാൻ പ്രശസ്തനായ സിദ്ധാർത്ഥ് ആനന്ദിൻ്റെ ‘കിംഗ്’ എന്ന ചിത്രവും അദ്ദേഹത്തിനുണ്ട്. മകൾ സുഹാന ഖാൻ്റെ തിയേറ്ററുകളിലെ അരങ്ങേറ്റം കൂടി ഈ ചിത്രത്തിലൂടെ ഉണ്ടാകുമെന്നാണ് റിപ്പോർട്ടുകൾ.
അതെ സമയം 2023-ൽ വിജയ് ദേവരകൊണ്ടയ്ക്കൊപ്പം ‘ഖുഷി’ എന്ന ചിത്രത്തിലാണ് സമാന്ത റൂത്ത് പ്രഭു അവസാനമായി അഭിനയിച്ചത്. മയോസിറ്റിസ് രോഗനിർണയത്തിന് ശേഷം കഴിഞ്ഞ വർഷം താരം അഭിനയത്തിൽ നിന്ന് ഒരു നീണ്ട ഇടവേള എടുത്തിരുന്നു. വരുൺ ധവാനൊപ്പം ‘സിറ്റാഡൽ ഇന്ത്യ’ യിലാണ് അവർ അടുത്തതായി അഭിനയിക്കുന്നത്. ഫാമിലി മാൻ, ഫാർസി എന്നീ സീരിസുകള് ഒരുക്കിയ രാജ് ആന്റ് ഡികെയാണ് ഈ സീരിസിൻറെ പിന്നണി പ്രവർത്തകർ. അതെ സമയം ആക്ഷൻ പായ്ക്ക്ഡ് ചിത്രത്തെക്കുറിച്ചുള്ള കൂടുതൽ വിവരങ്ങൾ വരും ദിനങ്ങളിൽ പങ്കിടുമെന്ന് പ്രതീക്ഷിക്കുന്നു.
